വൈദ്യുതിയുണ്ടും ചിലച്ചും കറങ്ങിടാന്‍
വിധിയുള്ള പഴ്യന്ത്രങ്ങള്‍ക്കാമോ
പിറകിലെന്നോ നഷ്ടമായൊരെന്‍
ബാല്യകാലത്തെ വീണ്ടെടുത്തീടാന്‍
ലാഭനഷ്ടത്തിന്‍ ഗ്രാഫുകള്‍ക്കാമോ
തൊടിയിലോടിക്കളിച്ചടിപതറി വീഴുമെന്‍
മുറിവില്‍ കടും പചിലച്ചാറിറ്റിച്ചു
വേദനയാറ്റും മന്ദഹാസമാകാന്‍
സമവാക്യ സങ്കല്പ വ്യൂഹത്തിനാകുമോ
പ്ലാവിലത്തൊപ്പിയും വച്ചുഞാനാ
കളിവണ്ടിയോട്ടി തളരുമ്പോളൊരു
കുടം വെള്ളവും വിശറിയുമേകാന്‍
വിദ്യുത് പ്രവാഹത്തെ കൂട്ടിക്കുറച്ചും
നിറച്ചും കളിക്കുന്ന ചെറുവണ്ടുകള്‍ക്കാമോ
കളിവീടിന്‍ മുറ്റത്തെ പൂച്ചെടിക്കമ്പിലെ
വാടിയ പൂക്കളിന്നമൃതം നുകരാന്‍
യന്ത്രത്തിന്‍ രണ്ടക്ക ഭാഷയ്ക്കാകുമോ
വേര്‍പെട്ടു പോകും മന്‍മനോശാന്തിയും
മന്ദസ്മിതങ്ങളും നിറവിന്റെ നന്‍മയും
എവിടെ മറഞ്ഞുവെന്നോതാന്‍
ഈ കാലചക്രം തിരിയെ കറക്കാന്‍
വിധിയുള്ള പഴ്യന്ത്രങ്ങള്‍ക്കാമോ
പിറകിലെന്നോ നഷ്ടമായൊരെന്‍
ബാല്യകാലത്തെ വീണ്ടെടുത്തീടാന്‍
ലാഭനഷ്ടത്തിന്‍ ഗ്രാഫുകള്‍ക്കാമോ
തൊടിയിലോടിക്കളിച്ചടിപതറി വീഴുമെന്‍
മുറിവില്‍ കടും പചിലച്ചാറിറ്റിച്ചു
വേദനയാറ്റും മന്ദഹാസമാകാന്‍
സമവാക്യ സങ്കല്പ വ്യൂഹത്തിനാകുമോ
പ്ലാവിലത്തൊപ്പിയും വച്ചുഞാനാ
കളിവണ്ടിയോട്ടി തളരുമ്പോളൊരു
കുടം വെള്ളവും വിശറിയുമേകാന്‍
വിദ്യുത് പ്രവാഹത്തെ കൂട്ടിക്കുറച്ചും
നിറച്ചും കളിക്കുന്ന ചെറുവണ്ടുകള്‍ക്കാമോ
കളിവീടിന്‍ മുറ്റത്തെ പൂച്ചെടിക്കമ്പിലെ
വാടിയ പൂക്കളിന്നമൃതം നുകരാന്‍
യന്ത്രത്തിന്‍ രണ്ടക്ക ഭാഷയ്ക്കാകുമോ
വേര്‍പെട്ടു പോകും മന്‍മനോശാന്തിയും
മന്ദസ്മിതങ്ങളും നിറവിന്റെ നന്‍മയും
എവിടെ മറഞ്ഞുവെന്നോതാന്‍
ഈ കാലചക്രം തിരിയെ കറക്കാന്‍
